Minimum Wage: I ready to pay pass N30k as minimum wage – Sanwo-Olu 15
Lagos State Govnor Babajide Sanwo-Olu on Tuesday inside meeting wit labour union leaders, promise say Lagos go pay pass di N30,000 national minimum wage.
Sanwo-Olu bin follow leaders from di organised labour unions meet for wia im yan say Lagos State go begin pay when di federal goment and labour unions conclude dia tok-tok.
Why Buhari commot power from Fashola hand?’Expensive school no mean say pikin go sabi book’
Di govnor say im wan pay pass N30,000 because im administration understand wetin workers for di state dey face day in, day out.
“E fit no plenti, but we go pay pass di N30,000 minimum wage.
We understand everibodi dey take big eye look Lagos and also wetin workers eyes dey see for Lagos. If oda states fit reach that amount, I believe Lagos need to show more to appreciate workers contribution to di growth of our State,” tok Sanwo-Olu.
Nigeria economy go fall if we pay new minimum wage – FG
Leaders of di Nigeria Labour Congress and goment representatives meet for hours for Labour Ministry to chook mouth on top how goment go pay di N30,000 minimum wage on Tuesday October 15, 2019. E no tay afta Nigeria goment agree to pay di minimum wage wey dem announce say na only workers for small grade level go get increase.Dis one bin vex labour leaders and dem come say dem go go strike on Wednesday 16 October.
Minimum Wage: Labour give goment Oct. 16 deadlineMinimum Wage: FG want workers wey salary pass N30k to dey patience